أسئـلة ترفـع الضغـط
انت الحين بغرفتك منسدح بفراشك ومطفي النور فجأه يدخل عليك
احد ويفتح الباب ويقولك بتنام؟
(لا برقص )
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويقولك بصوت عالي
هااا بتطلع؟
(لا بجرب الباب زين ولا لا )
الصراحه سؤال خطير
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
قاعد تدرس؟
لا افرش اسناني !!
(يعني ماسك الكتاب شسوي )
-----------
انت الحين بالكافيه صدفه شفت واحد من الربع او الاهل ..
قالك هلا شتسوي هنا؟
لا تعليق ..
--------------------
لا وتعالوا شوفو قنواتنا العجيبه واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شنو تقول لأهلك بالعيد؟
المواطن :- أقولهم كل عام وأنتم بخير . .
((لا بيقول لهم : منه المال ومنكم العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلوا الاطفال
يقول المذيع للطفل :-أنت تحب ماما وبابا؟
(( لا اجل احبك إنت ووجهك))
سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! )
--------------------
في أمان الله
لحظة نسيت أسألك: قاعد تقرا الموضوع الحين؟؟
لا قاعد أخيط نعالي!!
هههههههههه
شرآآيكم
موضوع: اسئله ترفع الضغط !!!!! 
